Aquí o tendes amigos, o Pazo da discordia, o pazo do que alardean os nosos políticos e co que sacan as fotos. A súa gloria por estes 8 anos de goberno. Xa chegou o Pazo da Cultura.
O igual ca cidade da cultura temos un pazo que aínda non se sabe para o que vai servir, aínda que si sabemos que teremos que pagar máis por él, pois comprar un pazo en ruínas supón ter que arranxalo e mantelo. Xa ten poucos gastos o concello para ter que soster o mantemento dun pazo.

E o igual ca cidade da cultura, aínda non sabemos para que servirá. Seguro que algún pensou na posibilidade de servir para residencia do noso alcalde, pois xa que ninguén o quixo nestes anos, polo menos que poida durmir e o disfrute alguén.
É verdade que debemos preservar os nosos bens culturais pero, ¿a que prezo? Pagamos 4.000.000€ polo noso Pazo en ruínas. Agora farei una comparación, fai pouco, e os que leades a prensa o poidechedes ler, o Concello de Vilanova comprou o Pazo Restaurado de Vista Real (24.244 m2), no mesmo municipio pola incrible suma de 2.072.000€!!!!!!!!!! O pazo Vista Alegre tamén destaca polos grandes viñedos, 2,5 hectáreas con cepas de viño albariño, e os seus anteriores donos só pagaron medio millón por él. O que son as cousas. O que non entendo é do que queren alardear esta xente, pois se queren enaltecer de malgastadores (enaltecer: Conceder honra [a unha persoa] e facela digna de estima). Aínda por enriba colocan a compra do Pazo no periódico, co que debe custar esas 6 ou 7 páxinas no periódico e nos tempos que corren facer iso pois non me parece nada ben. Agora Vilanova posúe un señor Pazo e nós temos un pazo con toxos.

Unha clara demostración do ben que coidan os bens culturais é o antigo concello (situado na rotonda que sube a costa de espiñeira), que todos saberedes que antes era o centro de Boiro e que agora, co permiso do concello, converteuse nunha trampa para os nenos e os veciños que pasean polas súas beirarrúas rodeadas de toxos, lixo e herba (que aínda que eu non me considero pequeno danme polo peito).
Eu non penso en nada mais que no meu pobo, quero o mesmo que todos, que siga crecendo. Quero un Concello cas contas saneadas. Quero que os nosos dirixentes non cobren soldos de Deputados e menos que haxa mais de un facéndoo.

Opinión persoal: Penso que se non queredes estar aí ou vedes que non sodes capaces haberá outra xente que por moito menos teña máis ganas de traballar e o máis importante, que traballe.

Para CALQUERA cousa podes poñerte en contacto con nós en "Facebook", "Tuenti" ou enviando unha mensaxe a: "ICBboiro@gmail.com"